ترند فيسبوك: السحر الاسود من مقابر الموتى الى صفحات الفيس بوك


لحظة اكتشاف السحر وفتحه امام الكامرة في مقبرة وادي السلام.. تحت هذا العنوان تداولت العديد من صفحات الفيس بوك ومنها صفحة قناة اليوتيوب العراقي مقطع فيديو خاص لتقرير لقناة هنا بغداد الفضائية عن ممارسة اعمال السحر والشعوذة في العراق، والتي انتشرت بشكل كبير بعد عام 2003 بسبب ضعف القوانين وتفاقم الازمات والخلافات السياسية، التي اثرت سلبا على مؤسسات الدولة بشكل عام، يضاف الى ذلك اهمال المؤسسات التعليمية والثقافية في هذا البلد وهو ما ساعد بحسب بعض المراقبين، في تزايد اعداد المشعوذين والدجالين والسحرة حتى اصبحت لهم مكاتب وحمايات وفضائيات خاصة تعمل على مدار الساعة، هذا المقطع اثار الكثير من الردود والتعليقات وصلت مشاركاته في اقل من 24 ساعة الى اكثر من 2826 مشاركة وعلق عليه ما يزيد عن ‏5800‏ مستخدم تباينت ارائهم وتعليقاتهم بهذا الخصوص.

فتحت هذا المقطع علق (ابو نيات الياسري) قائلاً: اني احد الناس الي ابتلي بالسحر وتحطمت حياتي من مرض وتأخر زواج، حتى بالدراسة وﻻ انسى الي صار بيه لوﻻ لطف رب العالمين والتوجه للصلاة والنوافل واﻻدعية وزيارة اهل البيت ورحمني رب العالمين حتى يراويني بالحلم العمل وشنو اﻻيات القرآنية الي التزم بيه هاي طبعا بعد مامليت من الخيرة وفك العمل عد المتخصصين واخيرا اعترفولي الي مسويلي والحمد والشكر اني هسه بأحسن حال رغم الي خسرته بحياتي فعن طريق التجربة انصح كل مبتلي بالسحر طبعا هو يعرف نفسة عليه اﻻلتزام بقراءة القرآن والتوسل باهل بيت الرسول وقراءة اﻻدعية وخاصة الصلاة في منتصف الليل والناس نيام والصبر حتى الفرج وان شاء الله رب العزة يرحم كل شاب وشابة بحق محمد.

(مرتضى التميمي) قال: والله اتمرمرت من صار بيه وهاي المتخاف الله دمرتني بقدرة الله وزيارات يله خلصت منه خلتني اموت يله اشم الهواء والله يشهد ما اعرف بهل سوالف واركض عل الاطباء بس زلمه خير فهمني والحمدلله خلصت والله الزلمه الي ظل يعزم عليه ما طلب مبلغ كالي بس ادعيلي ونصحني اقره ايه الكرسي والزيارات. (كيان كنو) من جانبها قالت: اي البارحة شفته الحلقة حسبي الله ونعم الوكيل وين يريد يوصل البشر بهاي سوالفه وتاليه جوة التراب ميفيد كلشي شنو ذنبه هاي البنيه تريد تعيش حياته حاله حال كل بنت شابه مو بس هاي اكثر البنات ادمرت حياتهن من هاي السحورة وهذة الولد هماتين سرطان وموت وهل يومين نسمع الخبر ولجن حتى العدوجن مسون هيج .

(ام احمد) قالت تحت هذا المنشور: عفيه بلد ما ظلت حرمه لا للاحياء ولا للاموات شنو واحد يفتح قبر ميت عل مود يهجم بيوت العالم ليش الناس كلش مرتاحه بالعراق حت الا بسحر والنسوان شنو هالجراءه هذه اعوذ بالله بالنهار واحد يخاف يفوت من يم مقبره مو تالي اليل الله ينتقم من كل وحده تمشي بها لطريق. Eng Sajjad Sallam)) فقال تحت هذا المقطع: موجود حلها قبل لا يفتحون السحر يأخذون بصمات من السحر اكيد الي مسوي السحر بايده الجايفة لان هو زوج ابن زوج ادخل البصمات للأحوال المدنية والشخصية واكشف الجاني واشرع قانون ينعل والدين كل سافل وساقطة يمشون بهيج درب والحكم ٥٠ سنة سجن ولا تمييز يشمل الجاني ولا عفو اما الي قايم بالعمل ( الساحر ) احيله اعدام بدون اي نقاش لان شروع بالقتل المتعمد والشروع بالقتل المتعمد اعدام اعتقد وواضحة للعيان وضوح الشمس بعد اكص ايدي اذا واحد او وحدة مشت بهذا الدرب الزبالة لان شنو فرقهم عن عبدة الشيطان الي منعوهم ببقية الدول علاوةً على هذا الشي لو اعرف اخلي مفارز مال شرطة النجف كلها بالمقبرة وادخل فرق تنظيف مثل شركات ازالة الالغام وكلها المها واحركها خلي تطول سنة هالشغلة كلش كافي عليها بس جيب الي يسمعك.

(اناقة الورد) قالت: يعني هاي اللي سوت سحر شكد غبيه .. والدجال شكد مستفاد من وره هالغبيات ... مجرد ما جابت اله ملابس وكتب عليها اسمه وعبارات قتل ومرض وجداحه ووووو ... صدكت راح يتعذب !!! من طيح .... هيج عقول مزنجره ... الله الحافظ ان شاء الله وهاي الاشياء كلهه جذب واللي صدك متعذبه من البشر متسوي سحوره ترفع قضيتهه لرب العالمين .. ورب العالمين عادل. اما (أحمد الشيخ الساعدي) فقال: لا اله الا الله .. ربي ينتقم منهم جميعا ومن تبعهم بعلم او جهل .. وبصراحة بعد ما اتصور اكو جهل بالموضوع بل اغلب من يسير خلف هؤلاء هم بعلم واصرار وعزيمه .. وبالمناسبه هناك من يحترم هؤلاء او ربما يخاف منهم لانه بمجرد العمل معهم ولو لمرة واحده يجدون أنفسهم مكبلين مقيدين مأسورين مع هذه الزمر التي تُمارس الدجل والشعوذة، وهذا طبعا ليس مبرر لهم لأنهم بالأساس دخلوا طريق واختاروه بإرادتهم .. وهناك نماذج عديدة منهم يعيشون في أوساطنا أبعدنا الله واياكم عنهم وعن أعمالهم القذرة ..

(Abdullah Mohammed) قال: هاي سالفة السحر والشعوذة صارت مهنه وصار عدهم مكاتب في بغداد على اساس الروحاني فلان و فلان وهمه كلهم سحره وهاي كلها بهالوكت طلعو وطشو وبزمن السابق اذا لكفو واحد راسا اعدام وبالشرع الاسلامي وعلى لسان الرسول عليه الصلاة والسلام حكم الساحر هو قطع الرأس. (ورده الصباح) قالت: حسبي الله ونعم الوكيل على كل ساحر وساحره وعلى كل وحده او واحد ايأذي انسان غافل ومايدري وتالي يصير بي اشكال البلاوي من ورى اسوالف قذره !! الله تعالى حرمها وجعلهم من اصحاب النار وان شاء الله عقابهم بالدنيا قبل الأخرة لان اني وحدة من هالناس الي انظلمنا من ورى السحر الله ليوفقهن وينزل غضبه عليهن، الحمد لله هوه قادر على كل شيء. يرد كيدهم وينقلب عليهم ان شاء الله.

(Haider Al Whayle) من جانبه قال: اخوان شوفو حلقات هل مقدم بالضبط كلها تمثيل وانتبهو ع كل الضيوف الي يجيبهم السحر والشعوذة موجود وبغض النظر عن هذه الحلقة المقدم اختار الطريق السهل حتى يخدع المشاهد بدل ما يتعب ويتابع يعني المكان كبل ندله بالمضبوط والمرأة فجأة اختفت ودخلت وطلعت ثاني شي ماكو ساحر غشيم يلف سحرة "بتجة " لاستيكة مال فلوس ، لازم حبل ع اقل مال صيد أو قوي وماكو اَي طلسم الأشياء الي لكاها كلها شغل أيده اللعابة بعدها جديدة وقبل ايّام اذا شفتو الحلقة مال سعر الصابون ب ١٠ ملايين مال ميت . Omar Alsaedi)) من جانبها قالت: اخوان حتى لو كان كلة دوبلاج واتفاق بس هي قصة مستخلصة من الواقع كم ضحية بسبب السحر راحت ذكر ولا أنثى الهدف من الحلقة هي ايصال صورة ع الديصير بالمجتمع ابتعدوا عن الحقيقة والتمثيل ويجب مكافحة هذه الظاهرة هو حب يوصل رسالة اعلامية مأخوذة من وحي الحقيقة وليس من الخيال كان الله في عون عبادة من هل المصايب.


اشترك في قناة النبأ على التلجرام لاخر التحديثات على الرابط ادناه:
https://telegram.me/nabaa_news
التعليقات
تغيير الرمز

تعليقات فيسبوك
آخر الاضافات
الاكثر مشاهدةفي (معلوماتية)
اسبوع
شهر
سنة
الكل
فيسبوك