|
ياابو اليمة بيوم عاشر صار عدنه انفجار
بيه قدمنه ضحايا وما تركنه هالشعار
الضحايا جعفرية مسجلة بالغاضرية
نبقه آخر نفس نهتف ياحسين.
الله يشهد احنه أبناء العراق
كلنه ضد العنصرية والنفاق
ومن وره السكتة انولينه
ضاع حقنه من أدينه
كربله تبقى وسام.
صبح دم الانتفاضة إلهه وسام
بتضحيات اهتزت أركان النظام
والشهيد النزف دمه بالقلب محفور اسمه
كربله تبقه وسام.
همشوا ادوارنه شنهو الأسباب
أنريد نسأل من يرد النه الجواب
الضحه أوله بهل مدينة الأقربون المثل وينه
كربله تبقه وسام.
كربله انتخبت مجلسه الجديد
تريد منه يشوف اوادمه شتريد
ولاهله يكون خادم مطلب تريده الوادم
كربله تبقه وسام.
المطالب كون تتحقق صحيح
والوضع ياناس للساعة جريح
كافي كافي جرعنه حنظل
نريد مستقبلنه أفضل
كربله تبقه وسام.
البعث مازال بدوائرنه يصول
وقسم منهم بشوارعنه يجول
اجتثاث البعث وينه... واحنه أبدا ما نسينه
كربله تبقه وسام.
انريد من الشرطة تسمع هالعتاب
بعض منهم يعتدي بلايه أسباب
الوقود أزمته تشهد.. والاساءة زادت الحد
كربله تبقه وسام |
